फ्रान्सले लकडाउनलाई खुकुलो बनाउने तयारी थालेको छ । ।
- फ्रान्सले लकडाउनलाई खुकुलो बनाउने तयारी थालेको छ । त्यसका लागि सार्वजनिक यातायात र विद्यालयमा मास्कको प्रयोग अनिवार्य बनाउने भएको छ ।
कोरोना भाइरसको महामारीका कारण बढी प्रभावित हुने मध्येमा एक रहेको फ्रान्सले जारी रहेको लकडाउन आउँदो मे ११ देखि खुकुलो बनाउने भएको हो । लकडाउन खुकुलो बनाए पनि सार्वजनिक यातायात र विद्यालयमा मास्कको प्रयोग अनिवार्य हुने प्रधानमन्त्री इड्वार्ड फिलिपले बताए । सरकारले विद्यालयहरु क्रमिक रुपमा खुलाउँदै जाने योजना बनाएको उनले बताए ।
सुरुमा किन्डरगार्डेन र त्यसपछि प्राइमरी स्कूल खुलाइने छ । अन्त्यमा मात्रै सेकेन्डरी स्कूल खुलाइने र त्यहाँ मास्कको प्रयोग अनिवार्य गरिने फ्रान्स सरकारले बताएको छ । ११ देखि १५ वर्ष उमेरका बालबालिकाले मास्क अनिवार्य रुपमा लगाउनु पर्ने भएको हो ।
कोरोना भाइरसबाट बढी प्रभावित भएको अर्को देश स्पेनले पनि जनजीवन केही खुकुलो र सामान्य बनाउने तर्फ कदम चालेपछि फ्रान्सले पनि आफ्नो योजना सार्वजनिक गरेको हो ।
अत्यावश्यक बाहेकका पसल वा बजारहरु पनि आउँदो मे ११ देखि फ्रान्समा खुला गर्ने फ्रान्स सरकारकाो तयारी छ । तर बार तथा रेस्टुरेन्टलाई भने सो छुट दिइएको छैन । खुला गरिएका पसलमा पनि सुरक्षात्मक सामग्रीको प्रयोग तथा तीन फिटको दूरी कामय गर्नु पर्ने छ ।
यस्तै सर्वसाधारणहरु मे ११ देखि घर बाहिर निस्कन पाउने छन् । एक ठाउँमा १० जनासम्म मात्रै जम्मा हुन पाइने छ ।
धन्यवाद हजुरलाई
Thank you see again......
Comments
Post a Comment
kamalsiwakoti101@gmail.com